തിരുവനന്തപുരം: തലസ്ഥാനത്ത് വന്‍ ലഹരി വേട്ട. കാറില്‍ രഹസ്യ അറയില്‍ കടത്താന്‍ ശ്രമിച്ച 11 കോടി വിലവരുന്ന ഹാഷിഷ് ഓയിലുമായി എറണാകുളം സ്വദേശികളായ മൂന്നുപേര്‍ എക്‌സൈസിന്റെ പിടിയിലായി. വെണ്‍പാലത്ത് വച്ചാണ് മൂന്ന് യുവാക്കള്‍ കാര്‍ സഹിതം പിടിയിലായത്.
മനു വില്‍സണ്‍, അന്‍വര്‍ സാദത്ത്, രാജു എന്നിവരാണ് പിടിയിലായത്. കഴിഞ്ഞയാഴ്ച തിരുവനന്തപുരത്ത് ലഹരി ഗുളികകളും എല്‍.എസ്.ഡി സ്റ്റാമ്പുകളുമായി എറണാകുളം സ്വദേശി ആന്റണി രാജന്‍ എക്‌സൈസ് സംഘത്തിന്റെ പിടിയിലായിരുന്നു. ടെക്‌നോപാര്‍ക്കിന് സമീപത്ത് നിന്നാണ് പിടികൂടിയത്. രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് ഇയാള്‍ കുടുങ്ങിയത്.