പുല്‍പ്പള്ളി: വയനാട്ടിലെ പുല്‍പ്പള്ളിയില്‍ അയല്‍വാസികള്‍ തമ്മിലുള്ള വാക്കുതര്‍ക്കത്തിനിടെയുണ്ടായ വെടിവയ്പ്പില്‍ ഒരാള്‍ മരിച്ചു. പുല്‍പ്പള്ളി കാപ്പിസൈറ്റ് കാട്ടുമാക്കേല്‍ നിധിന്‍ പത്മനാണ്(വര്‍ക്കി- 34) കൊല്ലപ്പെട്ടത്. നിധിന്റെ പിതൃസഹോദരന്‍ കിഷോറിനും വെടിയേറ്റിട്ടുണ്ട്. ഗുരുതര പരുക്കോടെ ഇയാളെ കോഴിക്കോട് മെഡി.കോളജ് ആശുപത്രിയില്‍ പ്രവേശിപ്പിച്ചിരിക്കുകയാണ്.

 അയല്‍വാസിയായ പുളിക്കല്‍ ഷാര്‍ലി എന്നയാളാണ് വെടിവച്ചത്. ഇടത് നെഞ്ചിന് വെടിയേറ്റ നിധിന്‍ തല്‍ക്ഷണം മരിച്ചു. കിഷോറിന് വയറിനാണ് വെടിയേറ്റത്. നാടന്‍ തോക്കുപയോഗിച്ചാണ് വെടിവച്ചത്. പ്രതി വനത്തിലേക്ക് രക്ഷപ്പെട്ടു. പുല്‍പ്പള്ളി പൊലിസ് സ്ഥലത്തെത്തി. ആതിരയാണ് മരിച്ച നിതിന്റെ ഭാര്യ. മൂന്ന് വയസുള്ള മകളുണ്ട്.