തിരുവനന്തപുരം: സുനന്ദ പുഷ്‌കറിന്റെ മരണവുമായി ബന്ധപ്പെട്ട് മാധ്യമങ്ങള്‍ വസ്തുതകള്‍ വളച്ചൊടിച്ചെന്നും തനിക്കെതിരേ നടന്നത് മോശം മാധ്യമപ്രവര്‍ത്തനമാണെന്നും ശശി തരൂര്‍ എം.പി.
വ്യക്തിപരമായ ദുരന്തത്തെ ചിലര്‍ നേട്ടത്തിനായി ഉപയോഗിക്കുന്നു. ചില മാധ്യമങ്ങള്‍വലിയ കളവുകള്‍ പ്രചരിപ്പിക്കുന്നു. ഇതു മൂല്യാധിഷ്ഠിത മാധ്യമപ്രവര്‍ത്തനമല്ല. പുതിയൊരു മാധ്യമമാണ് ആരോപണം ഉന്നയിച്ചത്. ഇരയുടെ വിശദീകരണം തേടാനും മാധ്യമങ്ങള്‍ക്ക് കഴിയണം. ഇന്ത്യയില്‍ ഒരു നീതിന്യായ വ്യവസ്ഥയുണ്ട്. അതുപോലെ ഭരണഘടനാപരമായ അവകാശങ്ങളുമുണ്ട്. സുനന്ദയുടെ മരണവുമായി ബന്ധപ്പെട്ട എല്ലാത്തരം അന്വേഷണങ്ങളിലും താന്‍ പൊലിസുമായി സഹകരിച്ചിട്ടുണ്ട്. പൊലിസ് അന്വേഷണ റിപ്പോര്‍ട്ടിന്റെ അടിസ്ഥാനത്തില്‍ കോടതിയാണ് അന്തിമവിധി പറയേണ്ടതെന്നും മാധ്യമങ്ങള്‍ വിധികര്‍ത്താക്കളാകരുതെന്നും അദ്ദേഹം പറഞ്ഞു.