റിയാദ്: സഊദി അതിര്‍ത്തി പ്രദേശമായ നജ്റാന് നേരെ വീണ്ടും ഹൂതികളുടെ ആക്രമണ ശ്രമം. നജ്റാന്‍ വിമാനത്താവളം ലക്ഷ്യമാക്കി തങ്ങള്‍ ഡ്രോണ്‍ ആക്രമണം നടത്തിയതായി ഹൂതികളുടെ നിയന്ത്രണത്തിലുള്ള അല്‍ മസീറയെ ഉദ്ധരിച്ച് റോയിട്ടേഴ്സ് റിപ്പോര്‍ട്ട് ചെയ്തു. സംഭവത്തെ കുറിച്ച് സഊദി അധികൃതരോ അറബ് സഖ്യ സേനയെ പ്രതികരിച്ചിട്ടില്ല. കഴിഞ്ഞ ദിവസം അറബ് സഖ്യ സേന ഹൂതികളുടെ നിയന്ത്രണത്തിലുള്ള മിസൈല്‍ വിക്ഷേപണ കേന്ദ്രങ്ങളടക്കം ആയുധങ്ങള്‍ക്കും ഹൂതി കേന്ദ്രങ്ങള്‍ക്കും നേരെ കനത്ത ആക്രമണം നടത്തിയിരുന്നു. ഇതിനിടയിലാണ് ഹൂതികള്‍ വിമാനത്താവളം ആക്രമിച്ചതായി അവകാശപ്പെട്ടത്. രണ്ടാഴ്ചക്കിടെ ഇത് നാലാം തവണയാണ് ഹൂതികള്‍ ഈ വിമാനത്താവളം ലക്ഷ്യമാക്കി ആക്രമണം നടത്തുന്നത്.