കോട്ടയം: ജലന്ധര്‍ ബിഷപ്പ് ഫ്രാങ്കോ മുളയ്ക്കലിനെതിരായ കന്യാസ്ത്രീകളുടെ പരാതി മിഷണറീസ് ഓഫ് ജീസസ് നിഷേധിച്ചു.

കന്യാസ്ത്രീകളുടെ ബലാല്‍ത്സംഗ ആരോപണം അവാസ്തവമാണെന്നും കന്യാസ്ത്രീകളുടെ സമരം അപലപിക്കുകയും തള്ളിക്കളയുകയും ചെയ്യുന്നുവെന്നും സംഘടന പ്രസ്താവനയില്‍ അറിയിച്ചു.

സഭയ്‌ക്കെതിരേ സംഘടിത നീക്കമാണ് നടക്കുന്നത്. കന്യാസ്ത്രീകള്‍ നടത്തുന്ന സമരത്തിനു പിന്നില്‍ ആരാണെന്ന് അന്വേഷിക്കണം. സഭയുടെ പ്രവര്‍ത്തനങ്ങളെ താറടിച്ചു കാണിക്കുകയാണ് സമരത്തിനു പിന്നിലെ ലക്ഷ്യമെന്നും മിഷണറീസ് ഓഫ് ജീസസ് അറിയിച്ചു.