ഗൂഡല്ലൂര്‍: മദ്യശാല പൂട്ടണമെന്നാവശ്യപ്പെട്ട് നാട്ടുകാര്‍ മദ്യശാലക്ക് പൂട്ടിട്ടു. കോത്തഗിരിയിലെ കൈകാട്ടിയില്‍ പുതുതായി തുറന്നു പ്രവര്‍ത്തിക്കുന്ന മദ്യശാല പൂട്ടണമെന്നാവശ്യപ്പെട്ടുള്ള സമരത്തിന്റെ ഭാഗമായാണ് നാട്ടുകാര്‍ മദ്യശാലക്ക് പൂട്ടിട്ടത്.
മദ്യശാല പ്രവര്‍ത്തനമാരംഭിച്ചപ്പോള്‍ പ്രതിഷേധവുമായെത്തിയ നാട്ടുകാര്‍ക്ക് 15 ദിവസത്തിനകം മദ്യശാല മാറ്റുമെന്ന് പൊലിസ് ഉറപ്പ് നല്‍കിയിരുന്നു. എന്നാല്‍ ഇതു പാലിക്കാതായതോടെയാണ് നാട്ടുകാര്‍ മദ്യശാല പൂട്ടിയത്.
ഇന്നലെ രാവിലെയോടെ സ്ത്രീകളും കുട്ടികളുമടങ്ങുന്നവരാണ് സമരവുമായി രംഗത്തെത്തിയിരുന്നത്. സ്ഥലത്തെത്തിയ പൊലിസ് സമരക്കാരെ പിന്നീട് അറസ്റ്റ് ചെയ്തു നീക്കി. ഇവരെ പിന്നീട് വിട്ടയച്ചു.