കണ്ണൂര്‍: കാരായി രാജനും കാരായി ചന്ദ്രശേഖരനും നീതി നിഷേധിച്ചു എന്ന പേരില്‍ നീതിയാത്ര നടത്തുന്ന ഡി.വൈ.എഫ്.ഐയുടെ നടപടി ഹൈക്കോടതിയെ തെരുവില്‍ ചോദ്യം ചെയ്യുന്നതിന് തുല്ല്യമാണെന്നും നീതിന്യായ വ്യവസ്ഥകളെ വെല്ലുവിളിക്കുന്നതാണെന്നും യു.ഡി.എഫ് ജില്ലാ ചെയര്‍മാന്‍ പ്രൊഫ. എ.ഡി മുസ്തഫ. ഈ നാട്ടിലെ സാധാരണക്കാരും തൊഴിലാളികളും തങ്ങള്‍ക്ക് അര്‍ഹതപ്പെട്ട പെന്‍ഷനൂം റേഷനും വേണ്ടി നിലവിളിക്കുന്നു.
നീതിക്കുവേണ്ടി മുറവിളി കൊള്ളുന്ന സാഹചര്യത്തിലാണ് ഡി.വൈ.എഫ്.ഐ പോലുള്ള യുവജന സംഘടന അപഹാസ്യമായ പ്രചാരണ ജാഥയുമായി ജനങ്ങളെ കൊഞ്ഞനം കുത്തുന്നത്. കൊലചെയ്യപ്പെട്ട ടി.പിയുടെ കുടുംബത്തോട് നീതി ചെയ്യാത്തവര്‍ കൊലയാളികള്‍ക്കായി നീതിയാത്ര നടത്തുന്നത് ലജ്ജാകരമാണെന്നും എ.ഡി മുസ്തഫ വാര്‍ത്താകുറിപ്പില്‍ പറഞ്ഞു.