ന്യൂഡല്‍ഹി : ഗുഡ്ഗാവില്‍ തറാവീഹ് നിസ്‌കാരം കഴിഞ്ഞ് മടങ്ങുകയായിരുന്ന യുവാവിനെ ഒരു സംഘം തടഞ്ഞു നിര്‍ത്തി മര്‍ദിക്കുകയും ജയ്ശ്രീരാം വിളിക്കാന്‍ നിര്‍ബന്ധിക്കുകയും ചെയ്തതായി പരാതി.
25കാരനായ ബിഹാര്‍ സ്വദേശിയാണ് ഇതു സംബന്ധിച്ച് പൊലിസില്‍ പരാതി നല്‍കിയത്.
മര്‍ദിച്ചതിനൊപ്പം തലയിലുണ്ടായിരുന്ന തൊപ്പി വലിച്ച് നിലത്തെറിഞ്ഞതായും ഭാരത് മാതാ കീ ജയ് വിളിക്കാന്‍ നിര്‍ബന്ധിച്ചതായും പരാതിയില്‍ പറയുന്നു.
പൊലിസ് അന്വേഷണം ആരംഭിച്ചിട്ടുണ്ട്. ബി.ജെപിയുടെ വിജയത്തിന് പിന്നാലെ പുറത്തുവരുന്ന രണ്ടാമത്തെ സംഭവമാണിത്.
നേരത്തെ മധ്യപ്രദേശില്‍ പശുവിറച്ചി കൈവശം വച്ചുവെന്നാരോപിച്ച് സ്ത്രീയുള്‍പ്പടെയുള്ള മൂന്ന് മുസ്്‌ലിംകളെ ക്രൂരമായി മര്‍ദിക്കുന്നതിന്റെ വിഡിയോ പുറത്തുവന്നിരുന്നു. സംഭവത്തിലെ പ്രതികളെ പിന്നീട് അറസ്റ്റ് ചെയ്തിരുന്നു.