പയ്യന്നൂര്‍: മലബാര്‍ ഗോള്‍ഡ് ആന്റ് ഡയമണ്ട്‌സ് സന്നദ്ധ സേവനപ്രവര്‍ത്തനങ്ങള്‍ക്കായി രൂപീകരിച്ച മലബാര്‍ ഹൗസിങ് ചാരിറ്റബിള്‍ ട്രസ്റ്റ് വഴി തിരഞ്ഞെടുത്ത ഭവനരഹിത അപേക്ഷകര്‍ക്ക് ഭവന നിര്‍മാണ സഹായം നല്‍കി. ഇന്നലെ രാവിലെ 11ന് പെരുമ്പയിലുള്ള മലബാര്‍ ഗോള്‍ഡ് ഷോറൂമില്‍ പയ്യന്നൂര്‍ നഗരസഭാ ചെയര്‍മാന്‍ ശശി വട്ടക്കൊവ്വല്‍ ഉദ്ഘാടനം ചെയ്തു. മലബാര്‍ ഫെസ്റ്റിവല്‍ നറുക്കെടുപ്പ് വിജയിക്കുള്ള 100ഗ്രാം തങ്ക ബാര്‍ സമ്മാനിച്ചു. ചടങ്ങില്‍ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ വി. ബാലന്‍, കെ.യു വിജയകുമാര്‍, ടി. രാമകൃഷ്ണന്‍, വി.കെ.പി ഇസ്മാഈല്‍, ഉത്രാടം ചന്ദ്രന്‍, കെ. ബ്രിജേഷ് കുമാര്‍ എന്നിവര്‍ ഭവന നിര്‍മാണ സഹായ വിതരണം നടത്തി. ഷോറൂം ഹെഡ് ടി.കെ അഷ്‌മെര്‍, പി. മഹറൂഫ്, ജനറല്‍ മാനേജര്‍ വി.പി ശശികുമാര്‍ സംബന്ധിച്ചു.