തേഞ്ഞിപ്പലം: മദ്‌റസകളില്‍ തയാറാക്കിയ സ്മാര്‍ട്ട് ക്ലാസ് റൂമുകള്‍ പ്രയോജനപ്പെടുത്തുവാന്‍ മുഅല്ലിംകളെ സജ്ജരാക്കുന്നതിന് വേïി സമസ്ത കേരള മദ്‌റസാ മാനേജ്‌മെന്റ് അസോസിയേഷന്‍ മലപ്പുറം വെസ്റ്റ് ജില്ലാ കമ്മിറ്റിയുടെ ആഭിമുഖ്യത്തില്‍ മേഖലാ തലങ്ങളില്‍ നടന്നു വരുന്ന മുഅല്ലിം ഐ.ടി ട്രെനിങ് ക്യാംപിന്റെ ജില്ലാതല ഉദ്ഘാടനം വെളിമുക്ക് ബോര്‍ഡിങ് മദ്‌റസയില്‍ അസ്മി സംസ്ഥാന സെക്രട്ടറിയും ക്രസന്റ് മാനേജറുമായ ഹാജി പി.കെ മുഹമ്മദ് നിര്‍വഹിച്ചു.
ചേളാരി മേഖലയിലെ 60ല്‍പരം അധ്യാപകരാണ് ക്യാംപില്‍ പങ്കെടുത്തത്. എസ്.കെ.എം.എം.എ മേഖലാ പ്രസിഡന്റ് എം.എ ഖാദര്‍ അധ്യക്ഷനായി. കെ.പി മുഹമ്മദ് മുസ്‌ലിയാര്‍ ഇരുമ്പുഴി, ജാഫര്‍ താനൂര്‍ ക്ലാസ്സുകള്‍ക്ക് നേതൃത്വം നല്‍കി.
ജില്ലാ സെക്രട്ടറി കെ.എം കുട്ടി എടക്കുളം, ഒ.സി ഹനീഫ, റഷീദ് മുസ്‌ലിയാര്‍ പെരുവള്ളൂര്‍, അബൂബക്കര്‍ സിദ്ദീഖ് അല്‍ അസ്ഹരി പള്ളിക്കല്‍, പി.വി ശറഫുദ്ധീന്‍ ഹാജി ദേവതിയാല്‍, മൊയ്തീന്‍കുട്ടി ദാരിമി, ഇസ്ഹാഖ് മാസ്റ്റര്‍ സംസാരിച്ചു.