കോഴിക്കോട്: പെട്രോള്‍ വിലയില്‍ വീണ്ടും വര്‍ധന വരുത്തി എണ്ണക്കമ്പനികള്‍. 10 പൈസയാണ് പെട്രോളിന് കൂട്ടിയത്. ഇതോടെ രണ്ടു ദിവസത്തിനിടെ പെട്രോള്‍ ലിറ്ററിന് 24 പൈസ കൂടി. ഡീസലിന് ഞായറാഴ്ച 8 പൈസ കൂട്ടിയിരുന്നു.

ഇതോടെ, തിരുവനന്തപുരത്ത് പെട്രോളിന് 74.99 രൂപയായി. ഡീസലിന് 71.57 രൂപയും. എറണാകുളത്ത് പെട്രോള്‍ വില 73.57 രൂപയും ഡീസലിന് 70.24 രൂപയുമാണ്.

തെരഞ്ഞെടുപ്പ് കഴിഞ്ഞശേഷം ഏഴാം തവണയാണ് പെട്രോള്‍ വില കൂട്ടുന്നത്. ഒരുമാസത്തിനകം അഞ്ചുരൂപയോളം കൂട്ടാനാണ് എണ്ണക്കമ്പനികളുടെ നീക്കം.