കോഴിക്കോട്: ശൈലി മാറ്റില്ലെന്ന മുഖ്യമന്ത്രി പിണറായി വിജയന്റെ പ്രസ്താവനയെ പരിഹസിച്ച് നടന്‍ ജോയ് മാത്യു.
ശൈലി മാറ്റുകയല്ല, പിണറായിയെ മാറ്റി പകരം ശൈലജ ടീച്ചറെ മുഖ്യമന്ത്രിയാക്കുകയാണ് വേണ്ടതെന്ന് ജോയ് മാത്യു ഫേസ്ബുക്കില്‍ കുറിച്ചു. ലോക്‌സഭാ തെരഞ്ഞെടുപ്പ് പരാജയവുമായി ബന്ധപ്പെട്ട് മാധ്യമപ്രവര്‍ത്തകര്‍ നിലവിലുള്ള ശൈലി മാറ്റുമോയെന്ന് മുഖ്യമന്ത്രിയോട് ചോദിച്ചപ്പോള്‍ തന്റെ ശൈലി തന്റേതായി തന്നെ തുടരുമെന്ന് പിണറായി പറഞ്ഞതിനെയാണ് ജോയ് മാത്യു പരിഹസിച്ചത്.