റിയാദ്: യുഎസ്-സഊദി ബന്ധത്തിൽ ‘പുതിയ യുഗം’ ആരംഭിക്കുന്നുവെന്ന് അമേരിക്കൻ സ്‌റ്റേറ്റ് സിക്രട്ടറി മൈക് പോംപിയോ. വാഷിങ്‌ടണിൽ ആരംഭിച്ച സഊദി-യുഎസ് ചർച്ചകൾക്കിടെയാണ് പോംപിയോയുടെ പ്രതികരണം. സഊദി വിദേശ കാര്യ മന്ത്രി ഫൈസൽ ബി ഫർഹാൻ രാജകുമാരനുമായി   ആരംഭിച്ച സഊദി-അമേരിക്ക തന്ത്രപരമായ ചർച്ചകൾ ഞങ്ങളുടെ ബന്ധത്തിൽ ഒരു പുതിയ യുഗത്തെ അടയാളപ്പെടുത്തുന്നുവെന്നായിരുന്നു മൈക് പോംപിയോയുടെ പ്രതികരണം. യുഎസ്, സഊദി അധികൃതർ  തമ്മിൽ നടന്ന ആദ്യ യോഗത്തിനു ശേഷം പ്രതികരിക്കുകയായിരുന്നു ഇരുവരും. ഞങ്ങളുടെ സുരക്ഷയും സാമ്പത്തിക ബന്ധങ്ങളും മാത്രമല്ല, മുഴുവൻ പങ്കാളിത്തവും കൂടുതൽ ശക്തമാക്കാനുള്ളതിയിൽ ഊന്നിയായിരുന്നു സംഭാഷണങ്ങൾ എന്ന് ഇരുവരും പറഞ്ഞു. അമേരിക്കയും സഊദിയും  തമ്മിലുള്ള ചരിത്രപരമായ ബന്ധം പ്രസിഡന്റിനും അപ്പുറമാണെന്നും യുഎസ് സ്‌റ്റേറ്റ് ഡിപ്പാർട്ട്മെന്റ് വക്താവ് മോർഗൻ മൊർട്ടാഗസും പറഞ്ഞു.  

    മേഖലയിലെ ഇറാന്റെ ഇടപെടൽ ഉൾപ്പെടെ പ്രാദേശിക സുരക്ഷയെ കുറിച്ച് ചർച്ചയായ കൂടിക്കാഴ്ചയിൽ ,  ഇറാൻ ഇടപെടൽ രാജ്യത്തിന്റെ സുരക്ഷയെ ഭീഷണിപ്പെടുത്തുന്നുവെന്നും ആഗോള വാണിജ്യത്തെ തടസപ്പെടുത്തുന്നതാണെന്ന് പോംപിയോ പറഞ്ഞു. ദുഷിച്ച ഇറാനിയൻ പ്രവർത്തനങ്ങളെ നേരിടാനുള്ള പരസ്പര പ്രതിബദ്ധതയും പ്രാദേശിക സുരക്ഷയ്ക്കും അഭിവൃദ്ധിക്കും അത് ഉയർത്തുന്ന ഭീഷണിയും നേരിടാൻ ഇന്ന് ഞങ്ങൾ ബന്ധം കൂടുതൽ ദൃഢമാക്കുന്നു.സഊദി അറേബ്യയിലേക്കുള്ള ആയുധ വിൽപ്പനയുടെ പദ്ധതിയെ യുഎസ് പിന്തുണച്ചിരുന്നുവെന്നും ഇത് രാജ്യത്തെ പൗരന്മാരെ സംരക്ഷിക്കാനും അമേരിക്കൻ ജോലികൾ നിലനിർത്താനും സഹായിക്കുന്ന ഒരു ശ്രമമാണെന്നും പോംപിയോ കൂട്ടിച്ചേർത്തു. 

     ഇറാനെതിരെ ശക്തമായ പ്രസ്‌താവനകളാണ് ഇരുവരും നടത്തിയത്. ഇറാന്‍ നടപടികളെ പ്രതിരോധിക്കുമെന്ന് ഇരു നേതാക്കളും വ്യക്തമാക്കി. യമനില്‍ തീവ്രവാദ ഗ്രൂപ്പുകള്‍ക്ക് ഇറാന്‍ ഭരണകൂടം സാമ്പത്തികവും ഭൗതികവുമായ സഹായം നല്‍കുന്നത് തുടരുകയാണെന്നും ഇതിനകം തന്നെ ഹൂതികൾ സഊദിയിലേക്ക് വിക്ഷേപിച്ച മുന്നൂറിലധികം  മിസൈൽ, ഡ്രോണുകൾ ഇറാൻ നിർമ്മിതമായിരുന്നുവെന്ന് സഊദി വിദേശ കാര്യാ മന്ത്രി ഫൈസൽ ബിൻ ഫർഹാൻ രാജകുമാരനും വ്യക്തമാക്കി. റിയാദിൽ അമേരിക്കയുടെ പുതിയ എംബസിക്കായി 26 ഹെക്ടര്‍ സ്ഥലം സ്വന്തമാക്കാന്‍ ഒരുക്കങ്ങൾ നടക്കുകയാണെന്നും പോംപിയോ കൂട്ടിച്ചേർത്തു.