2004 ന്റെയും 2014 ന്റെയും ഇടയില്‍ മന്‍മോഹന്‍ സിങ് ആകെ നടത്തിയത് 80 വിദേശ യാത്രകള്‍. 2005, 2009, 2011 വര്‍ഷങ്ങളില്‍ പത്തുവീതം യാത്രകള്‍, 2012 ലും 2014 ലും ഒഴികെയുള്ള മറ്റു വര്‍ഷങ്ങളില്‍ അഞ്ചുവീതം യാത്രകള്‍- ഇതാണ് മന്‍മോഹന്‍ സിങിന്റെ യാത്ര. മൊത്തം 10 വര്‍ഷത്തെ യാത്രകള്‍ക്കായി ചെലവഴിച്ചത് 303 ദിവസങ്ങള്‍.

പ്രധാനമന്ത്രിയായി നരേന്ദ്ര മോദിയുടെ കാലം

ആദ്യത്തെ മൂന്നുവര്‍ഷം കൊണ്ട് നരേന്ദ്ര മോദി നടത്തിയത് 54 യാത്രകള്‍. 2014 ല്‍ 9 യാത്രകള്‍ നടത്തിയ മോദി 2015 ല്‍ 27 ഉം 2016 ല്‍ 18 യും വിദേശ രാജ്യങ്ങള്‍ സന്ദര്‍ശിച്ചു.

2014 ലെ മോദിയുടെ യാത്ര 32 ദിവസം നീണ്ടു. 2015 ല്‍ 64 ദിവസം. 2016 ല്‍ 18 ദിവസം. ഓരോ യാത്രയും ശരാശരി 2.5 ദിവസം നീണ്ടുനിന്നു.

മന്‍മോഹന്‍ സിങ് ആദ്യ അഞ്ചു വര്‍ഷത്തില്‍ നടത്തിയ യാത്രകളേക്കാലും കൂടുതല്‍ യാത്ര മോദി ആദ്യ മൂന്നുവര്‍ഷത്തിനുള്ളില്‍ നടത്തിക്കഴിഞ്ഞു.

അമിത്ഷായുടെ വാദം അപ്പാടെ തകര്‍ക്കുന്നതാണ് കണക്കുകള്‍. മന്‍മോഹന്‍ സിങിന്റെ ആദ്യ മൂന്നു വര്‍ഷത്തിനിടെ, അദ്ദേഹം നടത്തിയത് മോദി 2015 ല്‍ മാത്രം നടത്തിയ യാത്രകളേക്കാളും കുറവ്.

(ഗ്രാഫിക്‌സുകള്‍ക്ക് കടപ്പാട്: ഫാക്റ്റ്‌ലി)