റിയാദ്: സഊദി കെഎംസിസി സാമൂഹ്യ സുരക്ഷാ പദ്ധതിക് റിയാദിൽ മലപ്പുറം ജില്ലാ കമ്മിറ്റി തുടക്കം കുറിച്ചു. ജില്ലാ തല ഉത്ഘാടനം സഊദി കെഎംസിസി നാഷണൽ കമ്മിറ്റി അംഗം കോയാമു ഹാജി കെഎംസിസി സീനിയർ നേതാവ് ഒ. കെ മുഹമ്മദ്‌ കുട്ടി സാഹിബിന് അപേക്ഷ ഫോം നൽകി നിർവഹിച്ചു.
മണ്ഡലം തല ഉത്ഘാടനം ജില്ലാ സെക്രട്ടറി അസീസ് വെങ്കിട്ട 2020 വർഷത്തെ കാംപയിനിൽ ഏറ്റവും കൂടുതൽ അംഗങ്ങളെ ചേർത്ത വേങ്ങര മണ്ഡലം കെഎംസിസി കമ്മിറ്റി ഭാരവാഹികൾക് നൽകി നിർവഹിച്ചു.

    സഊദി കെഎംസിസി നാഷണൽ കമ്മിറ്റി അംഗം ഉസ്മാൻ അലി പാലത്തിങ്ങൽ യോഗം ഉത്ഘാടനം ചെയ്തു.
ഓർഗനൈസിംഗ് സെക്രട്ടറി ഷൗക്കത്ത് കടമ്പോട്ട് അധ്യക്ഷൻ ആയിരുന്നു. നേതാക്കളായ ഷുഹൈബ് പനങ്ങാങ്ങര, മുഹമ്മദ് വേങ്ങര, അസീസ് വെങ്കിട്ട,കുഞ്ഞിപ്പ തവനൂർ, മുനീർ വാഴക്കാട്, ശരീഫ് അരീക്കോട്,ഹമീദ് ക്ലാരി, റഫീഖ് മഞ്ചേരി, ഇക്ബാൽ തിരൂർ, ശിഹാബ് കുട്ടശ്ശേരി, മുനീർ വാഫി, അലവിക്കുട്ടി ഒളവട്ടൂർ,ഷാഫി മാസ്റ്റർ കരുവാരകുണ്ട്,ബഷീർ ഇരുമ്പുഴി, എ പി നാസർ കുന്നുംപുറം,മജീദ് മണ്ണാർമല,റഫീഖ് പൂപ്പലം,ബഷീർ പൊന്മള,ഇസ്മായിൽ താനൂർ, എന്നിവർ സംസാരിച്ചു.

    സാമൂഹ്യ സുരക്ഷ പദ്ധതി ജില്ലാ സമിതിക് ചെയർമാൻ ആയി മുനീർ വാഴക്കാട് ഉൾപ്പടെ ഇരുപതംഗ സമിതിയെയും മലപ്പുറം ജില്ലാ കെഎംസിസി കമ്മിറ്റി പ്രഖ്യാപിച്ചു.പ്രാവാസം ആവസാനിപ്പിച്ചു നാട്ടിൽ പോകുന്നവരായ ജില്ലാ കെഎംസിസി സെക്രട്ടറി ശിഹാബ് കുട്ടശ്ശേരിക്ക് ജില്ലാ കമ്മിറ്റിയുടെ ഉപഹാരം ജില്ലാ പ്രസിഡന്റ്‌ മുഹമ്മദ്‌ വേങ്ങരയും സോഷ്യൽ മീഡിയ വിംഗ് കോൺസെന്റർ അംഗം മുനീർ വാഫി കണ്ണമംഗലത്തിനുള്ള ഉപഹാരം ജനറൽ സെക്രട്ടറി അസീസ് വെങ്കിട്ടയും കൈമാറി. ജില്ലാ കെഎംസിസി സെക്രട്ടറി ഷാഫി മാസ്റ്റർ ചിറ്റത്തുപാറ സ്വാഗതവും സെക്രട്ടറി സിദീഖ് കോനാരി നന്ദിയും പറഞ്ഞു.