തിരുവനന്തപുരം: ആലപ്പുഴയില്‍ കൊവിഡ് പ്രോട്ടോക്കോള്‍ പാലിച്ച് ഹൗസ്‌ബോട്ടുകള്‍ ഞായറാഴ്ച മുതല്‍ പ്രവര്‍ത്തനമാരംഭിക്കുമെന്ന് മുഖ്യമന്ത്രി പിണറായി വിജയന്‍. ഇ- ജാഗ്രത പോര്‍ട്ടല്‍ വഴി ഹൗസ് ബോട്ടില്‍ വരുന്നവര്‍ രജിസ്റ്റര്‍ ചെയ്യണം. വലിയ ഹൗസ് ബോട്ടിലടക്കം പത്ത് പേരില്‍ കൂടുതല്‍ ആളുകള്‍ പാടില്ല. എല്ലാ ലഗ്ഗേജും അണുവിമുക്തമാക്കണം. ഹൗസ് ബോട്ടുകള്‍ മൊത്തത്തിലും അണുവിമുക്തമാക്കണം. ജീവനക്കാരുമായി അധികം ഇടപെടരുതെന്നും അദ്ദേഹം ഓര്‍മിപ്പിച്ചു.