കാഠ്മണ്ഡു: ഈ വര്‍ഷം എവറസ്റ്റില്‍ നിന്ന് 11 ടണ്‍ മാലിന്യങ്ങള്‍ ശേഖരിച്ചതായി നേപ്പാള്‍ സര്‍ക്കാര്‍ വെളിപ്പെടുത്തി. മല കയറാനുപയോഗിക്കുന്ന ഉപകരണഭാഗങ്ങള്‍, ഓക്‌സിജന്‍ സിലിണ്ടറുകള്‍, അവശിഷ്ടങ്ങള്‍ എന്നിവയെല്ലാം ഇതിലുണ്ട്.
നാലു മൃതദേഹങ്ങളും കണ്ടെത്തി. മാലിന്യനീക്കത്തിന് 23 ദശലക്ഷം രൂപ ചെലവുവന്നതായി ടൂറിസം ഡയരക്ടര്‍ പറഞ്ഞു. ഓരോ വര്‍ഷവും പര്‍വതാരോഹകരില്‍ നിന്ന് 3.55 ദശലക്ഷം ഡോളര്‍ സര്‍ക്കാര്‍ ശേഖരിക്കാറുണ്ട്. എന്നാല്‍ പരിസ്ഥിതി വൃത്തിക്കായി ഒന്നും ചെലവഴിക്കാറില്ല. മല കയറുന്നതിനിടെ ഈ സീസണില്‍ നാല് ഇന്ത്യക്കാരുള്‍പ്പെടെ പത്തുപേര്‍ മരിച്ചിരുന്നു.