തളിപ്പറമ്പ്: ജാമിഅ ഖുവ്വത്തുല്‍ ഇസ്‌ലാം അറബിക് കോളജ് ശതവാര്‍ഷിക സമാരംഭവും സനദ്ദാന സമ്മേളനവും ഇന്നുമുതല്‍ 13 വരെ കോളജ് പരിസരത്ത് നടക്കും. ഇന്നുരാവിലെ പത്തിന് കോളജ് പ്രസിഡന്റ് കെ.വി മുഹമ്മദ് കുഞ്ഞി ഹാജി പതാക ഉയര്‍ത്തും. 10.30ന് മഹല്ലിലെ 18 ഖത്തീബുമാര്‍ പങ്കെടുക്കുന്ന ഖത്തീബ് സംഗമം, വൈകുന്നേരം 4.30ന് മന്ന മഖാം സിയാറത്ത്, രാത്രി ഏഴിന് മജ്‌ലിസുന്നൂര്‍ വാര്‍ഷികവും ബറാഅത്ത് രാവ് പ്രാര്‍ഥന. നാളെ പുലര്‍ച്ചെ അഞ്ചിന് തങ്ങളെപള്ളി സിയാറത്ത്, ജുമാ നമസ്‌കാരാനന്തരം തണ്ണീര്‍കണ്ടം ജാറം സിയാറത്ത്, വൈകുന്നേരം      നാലിന്  പൂര്‍വ വിദ്യാര്‍ഥി സംഗമം, രാത്രി ഏഴിന് ബുര്‍ദ മജ്‌ലിസും വിദ്യാര്‍ഥികളുടെ കലാപരിപാടികള്‍.
13നു പുലര്‍ച്ചെ അഞ്ചിന് ഖുര്‍ആന്‍ മുസ്‌ലിമിന്റെ ജീവിതരേഖ എന്ന ഉല്‍ബോധനം, രാവിലെ ഒന്‍പതിന് ദഅ്‌വത്ത് വര്‍ത്തമാന ഭാവി എന്ന പ്രമേയത്തില്‍ ദഅ്‌വാമീറ്റ്, 11ന് ജനാധിപത്യത്തിന് ബലക്ഷയമോ എന്ന ശീര്‍ഷകത്തില്‍ മീഡിയ മീറ്റ്, ഉച്ചയ്ക്കു 1.30ന് പ്രവാസി സംഗമവും സാസ്‌കാരിക സമ്മേളനവും എന്നിവയും നടക്കും. 4.30ന് ബുഖാരി ഖത്തംദുആയും സ്ഥാനവസ്ത്ര വിതരണവും അസ്ഹരി സംഗമവും. രാത്രി 7.30ന് സമാപന പൊതുസമ്മേളനം പാണക്കാട് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. പി.കെ.പി.അബ്ദുസലാം മുസ്‌ലിയാര്‍ അധ്യക്ഷനാവും. പി.പി ഉമര്‍ മുസ്‌ലിയാര്‍, മാണിയൂര്‍ അഹ്മദ് മുസ്‌ലിയാര്‍, ടി.എസ് ഇബ്രാഹിം മുസ്‌ലിയാര്‍, അഞ്ചരക്കണ്ടി അബ്ദുറഹ്മാന്‍ മുസ്‌ലിയാര്‍, ബ്ലാത്തൂര്‍ അബ്ദുറഹ്മാന്‍ മുസ്‌ലിയാര്‍, അഡ്വ. സിറാജ് സുലൈമാന്‍ സേട്ട് എന്നിവര്‍ പങ്കെടുക്കുമെന്നും സംഘാടകരായ കെ.പി മുഹമ്മദ് കുഞ്ഞി ഹാജി, കെ.പി ലുഖ്മാന്‍, സി.കെ.പി ഹാഷിം ഹാജി, കെ. സഈദ് ഹാജി, സി.പി അബ്ദുല്‍ഖാദര്‍ ഹാജി എന്നിവര്‍ വാര്‍ത്താസമ്മേളനത്തില്‍ അറിയിച്ചു.