കണ്ണപുരം: ജനമൈത്രി പൊലിസും ട്രാഫിക് സുരക്ഷാ സമിതിയും കണ്ണപുരം സ്റ്റേഷനില്‍ റോഡ് സുരക്ഷാ ബോധവല്‍ക്കരണ ക്ലാസ് നടത്തി. കഴിഞ്ഞ ദിവസങ്ങളില്‍ കണ്ണപുരം, ചെറുകുന്ന് ഭാഗങ്ങളിലുണ്ടായ വാഹനാപകടങ്ങുടെ പശ്ചാത്തലത്തിലാണ് പരിപാടി സംഘടിപ്പിച്ചത്. വളപട്ടണം സി.ഐ എം. കൃഷ്ണന്‍ ഉദ്ഘാടനം
ചെയ്തു. ചെറുകുന്ന് പഞ്ചായത്ത് പ്രസിഡന്റ് പി.കെ ഹസന്‍കുഞ്ഞി അധ്യക്ഷനായി. കണ്ണപുരം പഞ്ചായത്ത് പ്രസിഡന്റ് കെ.വി രാമകൃഷ്ണന്‍, എസ്.ഐ എ. രവീന്ദ്രന്‍, രാജേഷ്, ലക്ഷ്മണന്‍ ചെറുകുന്ന്, നാരായണന്‍, ബലറാം, വാടി പവിത്രന്‍, എന്‍.വി രമേശന്‍ സംസാരിച്ചു.
വിവിധ രാഷ്ട്രീയ പാര്‍ട്ടി പ്രതിനിധികള്‍, വ്യാപാരി സംഘടനാ പ്രതിനിധികള്‍, സന്നദ്ധസംഘടനാ പ്രവര്‍ത്തകര്‍, കെ.എസ്.ടി.പി അധികൃതര്‍ പങ്കെടുത്തു.