ശ്രീകണ്ഠപുരം: ഇരിക്കൂര്‍ സിദ്ദീഖ് നഗറിലെ മെരടന്‍ കുഞ്ഞാമിന വധത്തിലെ പ്രതികളെ പിടികൂടാന്‍ വേണ്ട നടപടികള്‍ സ്വീകരിക്കുമെന്ന് മുഖ്യമന്ത്രി പിണറായി വിജയന്‍. നിയമസഭയില്‍ ഇതുസംബന്ധിച്ച് കെ.സി ജോസഫ് എം.എല്‍.എയുടെ സബ്മിഷന് മറുപടി നല്‍കുകയായിരുന്നു അദ്ദേഹം. ഒരു വര്‍ഷം മുന്‍പാണ് നാടിനെ നടുക്കിയ കൊലപാതകം നടന്നത്. കേസില്‍ മുഴുവന്‍ പൊലിസ് സ്റ്റേഷനിലും ഇതര സംസ്ഥാനങ്ങളിലും ലുക്ക് ഔട്ട്  നോട്ടിസ് പുറപ്പെടുവിക്കും. പ്രതികളുടെ ഫോട്ടോ സമൂഹ്യ മാധ്യമങ്ങളിലടക്കം പ്രചരിപ്പിച്ച് അന്വേഷണം ഊര്‍ജിതമാക്കുമെന്നും മുഖ്യമന്ത്രി നിയമസഭയെ അറിയിച്ചു.