ഖാര്‍ത്തൂം: ജനകീയ ഭരണകൂടത്തിന് അധികാരം കൈമാറുന്നതിന് പട്ടാള ഭരണകൂടത്തിനുമേല്‍ സമ്മര്‍ദം ചെലുത്തുന്നതിനായി സുദാനിലെ പ്രക്ഷോഭകര്‍ രണ്ടുദിവസത്തെ സമരം നടത്തുന്നു.
വിമാന പൈലറ്റുമാരോട് സമരത്തില്‍ പങ്കെടുക്കാന്‍ ആവശ്യപ്പെട്ടതിനാല്‍ നൂറുകണക്കിന് വിമാനയാത്രക്കാര്‍ ഖാര്‍ത്തൂം വിമാനത്താവളത്തില്‍ കുടുങ്ങി.
പുതിയ ഭരണകൂടത്തെ ആര് നയിക്കണമെന്ന കാര്യത്തില്‍ തീരുമാനമുണ്ടാക്കാനായി കുട പ്രതിഷേധ സമര നേതാക്കളും പട്ടാള ജനറലുമാരും തമ്മില്‍ നടത്തിയ ചര്‍ച്ച അലസിയതിനെ തുടര്‍ന്നാണിത്.