കല്‍പ്പറ്റ: സ്‌പോര്‍ട്ടോ സ്ട്രഗിള്‍ ജില്ലാ കായിക മത്സരങ്ങളുടെ ഭാഗമായി എസ്.എഫ്.ഐ ഏരിയ കമ്മിറ്റിയുടെ നേതൃത്വത്തില്‍ സംഘടിപ്പിച്ച അണ്ടര്‍-21 ഫുട്‌ബോള്‍ മത്സരം കല്‍പ്പറ്റ മുനിസിപ്പല്‍ സ്റ്റേഡിയത്തില്‍ സമാപിച്ചു.
 മത്സരത്തില്‍ ജിദ്ദ ബേക്കറി പിണങ്ങോട് ചാംപ്യന്‍മാരായി. സോക്കര്‍ ജൂനിയേഴ്‌സ് മുണ്ടേരി രണ്ടാം സ്ഥാനവും നേടി.
 ഫൈനല്‍ മത്സരത്തില്‍ എതിരില്ലാത്ത ഒരു ഗോളിനാണ്  ജിദ്ദാ ബേക്കറി  സോക്കര്‍ ജൂനിയേഴ്‌സ് മുണ്ടേരിയെ കീഴടക്കിയത്. ടി.എസ് രാധകൃഷ്ണന്റെ സ്മരണയ്ക്കായി ടി.എസ് സുന്ദരം ട്രോഫി സ്‌പോണ്‍സര്‍ ചെയ്തു. മത്സരത്തിന്റെ സമാപന സമ്മേളനം ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് എം മധു ഉദ്ഘാടനം ചെയ്തു.
ഏരിയ പ്രസിഡന്റ് അജ്‌നാസ് അഹമ്മദ് അധ്യക്ഷനായി. ഡി.വൈ.എഫ്.ഐ ബ്ലോക്ക് പ്രസിഡന്റ് ഷംസുദ്ദീന്‍, മുന്‍സിപ്പല്‍ കൗണ്‍സിലര്‍ റഷീദ് പങ്കെടുത്തു. ഏരിയ സെക്രട്ടറി അര്‍ജുന്‍ ഗോപാല്‍ സ്വാഗതവും കെ.ആര്‍ അവിഷിത്ത് നന്ദിയും പറഞ്ഞു.