കോട്ടയം: കെ.എം മാണിയുടെ ലക്ഷ്യം ബി.ജെ.പിയുമായി സഖ്യമുണ്ടാക്കലാണെന്ന് ജനാധിപത്യ കേരള കോണ്‍ഗ്രസ് ചെയര്‍മാന്‍ ഫ്രാന്‍സിസ് ജോര്‍ജ്. ബി.ജെ.പിയോടൊപ്പം ചേരാനാണ് മാണി അണികളോട് അഹ്വാനം ചെയ്യുന്നത്. മാണിഗ്രൂപ്പ് വഞ്ചനയുടെ പര്യായമായി മാറി. കോട്ടയം ജില്ലാപഞ്ചായത്ത് പ്രസിഡന്റ് തെരഞ്ഞെടുപ്പില്‍ അവര്‍ കൈക്കൊണ്ട തീരുമാനം അധാര്‍മികമാണെന്നും അദ്ദേഹം കുറ്റപ്പെടുത്തി. കേരള കോണ്‍ഗ്രസ് എം പിളര്‍പ്പിന്റെ വക്കിലാണ്. പി.ജെ ജോസഫ് എതിര്‍പ്പ് വ്യക്തമാക്കി പുറത്തുവരണം. വീര്‍പ്പുമുട്ടി പാര്‍ട്ടിയില്‍ അദ്ദേഹം തുടരരുതെന്നും അദ്ദേഹം വ്യക്തമാക്കി.