ന്യൂഡല്‍ഹി: ഞായറാഴ്ച നടന്ന അഖിലേന്ത്യാ മെഡിക്കല്‍ പ്രവേശന പരീക്ഷ (നീറ്റ്) ഫലം അടുത്തമാസം എട്ടിനു പ്രഖ്യാപിച്ചേക്കും. പരീക്ഷയുടെ ഉത്തരസൂചിക രയലെിലല.േിശര.ശി എന്ന വെബ്‌സൈറ്റില്‍ പ്രസിദ്ധീകരിക്കും.
കേന്ദ്ര മാനവവിഭവശേഷിമന്ത്രാലയത്തിനു കീഴിലുള്ള സി.ബി.എസ്.ഇയ്ക്കാണ് പരീക്ഷാനടത്തിപ്പിന്റെയും ഫലപ്രഖ്യാപനത്തിന്റെയും ചുമതല. ഇത്തവണ 11, 38,890 വിദ്യാര്‍ഥികളാണ് പരീക്ഷയ്ക്ക് രജിസ്റ്റര്‍ ചെയ്തത്. രാജ്യത്തെ 103 നഗരങ്ങളില്‍ 10 ഭാഷകളിലായി 1921 കേന്ദ്രങ്ങളിലാണ് പരീക്ഷ നടന്നത്.
അതേസമയം, സി.ബി.എസ്.ഇ നടത്തിയ പത്ത്, 12 ക്ലാസ്സുകളിലേക്കുള്ള പരീക്ഷയുടെ ഫലപ്രഖ്യാപന തിയതി ഇതുവരെ പ്രഖ്യാപിച്ചിട്ടില്ല. പത്താംക്ലാസ് ഫലം ഈ മാസം 24നും പന്ത്രണ്ടാംക്ലാസ് ഫലം അടുത്തമാസം രണ്ടിനും പ്രസിദ്ധീകരിക്കുമെന്ന് ചില മാധ്യമങ്ങളില്‍ വാര്‍ത്തവന്നിട്ടുണ്ടെങ്കിലും ഫലപ്രഖ്യാപന തിയതി തീരുമാനിച്ചിട്ടില്ലെന്ന് സി.ബി.എസ്.ഇ അറിയിച്ചു.
വിവിധ സംസ്ഥാനങ്ങളില്‍ നടന്ന തെരഞ്ഞെടുപ്പു കാരണം ഇത്തവണത്തെ പരീക്ഷയും വൈകിയാണ് നടന്നത്. അതിനാല്‍ ഫലപ്രഖ്യാപനവും വൈകുമെന്നാണ് സി.ബി.എസ്.ഇയുടെ വാദം.
കഴിഞ്ഞതവണ മെയ് 21ന് പത്താംക്ലാസ് ഫലവും മെയ് 28ന് പന്ത്രണ്ടാംക്ലാസ് ഫലവും പുറത്തുവന്നിരുന്നു. 96.36 ശതമാനമാണ് കഴിഞ്ഞവര്‍ഷത്തെ പത്താംക്ലാസ് പരീക്ഷയുടെ വിജയ ശതമാനം. 12ാം ക്ലാസ്സിലെ ഫലം 92 ശതമാനമായിരുന്നു.