ന്യൂഡല്‍ഹി: ഷൂട്ടിങ് താരങ്ങളെ തടഞ്ഞു വച്ച സംഭവത്തില്‍ ദേശീയ റൈഫിള്‍ അസോസിയേഷനെതിരേ രൂക്ഷ വിമര്‍ശനവുമായി മുന്‍ ഷൂട്ടിങ് താരവും ഒളിംപിക് ടാസ്‌ക് ഫോഴ്‌സ് അംഗവുമായ അഭിനവ് ബിന്ദ്ര. താരങ്ങളെ വിമാനത്താവളത്തില്‍ തടഞ്ഞു വച്ചപ്പോള്‍ എവിടെയായിരുന്നു അസോസിയേഷനെന്ന് ബിന്ദ്ര ചോദിച്ചു.
ഇത്തരം സംഭവങ്ങള്‍ അരങ്ങേറുന്നത് താരങ്ങളുടെ മനോവീര്യം തകര്‍ക്കുമെന്നും അവ ദൗര്‍ഭാഗ്യകരമാണെന്നും ബിന്ദ്ര കൂട്ടിച്ചേര്‍ത്തു. അതേസമയം മുതിര്‍ന്ന താരങ്ങള്‍ പലരും സംഭവത്തില്‍ വിമര്‍ശനവുമായി രംഗത്തെത്തിയിട്ടുണ്ട്.