പാലാ: മണ്ഡലം യൂത്ത് ഫ്രണ്ടിന്റെ നേതൃത്വത്തില്‍ പാലായില്‍ പാര്‍ട്ടി ജനറല്‍ സെക്രട്ടറി ജോയി എബ്രഹാമിന്റെ കോലം കത്തിച്ചു. പി.ജെ ജോസഫ് പാര്‍ട്ടി ചെയര്‍മാനെന്ന് കാണിച്ച് ജോയി എബ്രാഹം തെരഞ്ഞെടുപ്പ് കമ്മിഷന് കത്ത് നല്‍കിയതില്‍ പ്രതിഷേധിച്ചാണ് യൂത്ത് ഫ്രണ്ടിന്റെ നടപടി.
പാലാ നിയോജക മണ്ഡലം പ്രസിഡന്റ് കുഞ്ഞുമോന്‍ മടപ്പാട്ട് ഉദ്ഘാടനം ചെയ്തു. മണ്ഡലം നേതാക്കളായ സുനില്‍ പയ്യപ്പള്ളി, സോണി നടുപ്പറമ്പില്‍, വിന്‍സന്റ് തൈമുറിയില്‍, ജിന്‍സ് പൂവേലില്‍, കെ.ടി.യു.സി നിയോജക മണ്ഡലം പ്രസിഡന്റ് ജോസുകുട്ടി പൂവേലില്‍ എന്നിവര്‍ നേതൃത്വം നല്‍കി.
കെ.എം മാണിയുടെ വിയോഗത്തെ തുടര്‍ന്ന് കേരള കോണ്‍ഗ്രസ് നേതൃസ്ഥാനത്തെ ചൊല്ലി തര്‍ക്കം രൂക്ഷമാകുന്നതിനിടയിലാണ് പാര്‍ട്ടി ജനറല്‍ സെക്രട്ടറിയുടെ കോലം കത്തിച്ചത്.