കോഴിക്കോട്‌: മാധ്യമങ്ങളിലൂടെ വാര്‍ത്ത പുറത്ത് വന്നതോടെ കോഴിക്കോട്ടെ എരഞ്ഞിപ്പാലത്തെ വി.മുരളീധരന്റെ ഭാര്യയുടെ ഓഫിസിലേക്ക് നിരവധി പേരാണ് എത്തിയത്. എല്ലാവരെയും ജയശ്രീ മധുരം കൊടുത്തു സ്വീകരിച്ചു. വാര്‍ത്ത ഏറെ സന്തോഷം ഉള്ളതും അപ്രതീക്ഷിതവുമാണെന്നായിരുന്നു ജയശ്രീയുടെ പ്രതികരണം. മുരളീധരന്റെ മന്ത്രി സ്ഥാനം കേരളത്തിന് ലഭിച്ച അംഗീകാരമാണെന്നും ജയശ്രീ പറഞ്ഞു. തലശ്ശേരിയിലെ മുരളീധരന്റെ തരവാട്ടിലുള്ളവരും ഏറെ സന്തോഷത്തിലാണ്. വി. മുരളീധരന്റെ മന്ത്രി സ്ഥാനം ബി.ജെ.പി പ്രവര്‍ത്തകര്‍ക്ക് ഇടയിലും ഏറെ ആവേശമാണ് സൃഷ്ടിച്ചിരിക്കുന്നത്.