ദുബൈ: മനുഷ്യ സൃഷ്ടിപ്പിന്റെ ദൈവിക ലക്ഷ്യം അവന്റെ സന്‍മാര്‍ഗ ജീവിതമാണെന്നും വിശുദ്ധ ഖുര്‍ആന്‍ ഇക്കാര്യം ഊന്നിപ്പറയുന്നുവെന്നും പ്രമുഖ പണ്ഡിതനും സമസ്ത സെക്രട്ടറിയുമായ കൊയ്യോട് പി.പി ഉമര്‍ മുസ്‌ലിയാര്‍.
23ാം മത് ദുബൈ ഇന്റര്‍നാഷനല്‍ ഹോളി ഖുര്‍ആന്‍ അവാര്‍ഡ് കമ്മിറ്റി ദുബൈ സുന്നി സെന്ററുമായി സഹകരിച്ച് സംഘടിപ്പിച്ച പ്രഭാഷണ പരിപാടിയില്‍ 'ഖുര്‍ആന്‍: ജീവിതവും പ്രയോഗവും' എന്ന വിഷയം അവതരിപ്പിച്ച് സംസാരിക്കുകയായിരുന്നു അദ്ദേഹം.അന്താരാഷ്ട്ര ഹോളി ഖുര്‍ആന്‍ അവാര്‍ഡ് കമ്മിറ്റി അംഗം ഹാശിം അല്‍മുത്വവ്വ ഉദ്ഘാടനം ചെയ്തു. സുന്നി സെന്റര്‍ പ്രസിഡന്റ് സയ്യിദ് ഹാമിദ് കോയമ്മ തങ്ങള്‍ അധ്യക്ഷനായി. സമസ്ത മുശാവറ അംഗം മാണിയൂര്‍ അഹ്്മദ് മുസ്‌ലിയാര്‍, ബശീര്‍ ഫൈസി ദേശമംഗലം, അബ്ദുസ്സലാം ബാഖവി,ഷൗക്കത്ത് ഹുദവി സംസാരിച്ചു. വിശിഷ്ട സേവനത്തിനു ബഷീര്‍ (എം.ഡി ബെല്ലൊ ബസ്‌റെന്റല്‍) ഹാശിം എസ്.പി (സെയില്‍സ് മാനേജര്‍, അമേരിന്‍ഗ്രീന്‍) എന്നിവരെ ആദരിച്ചു.