വടക്കാഞ്ചേരി: ഉത്രാളിക്കാവില്‍ ഓഗസ്റ്റ് അഞ്ചിന് നടക്കുന്ന നടപ്പുര സമര്‍പ്പണത്തിന്റേയും ഓഗസ്റ്റ് ആറിന് ആരംഭിക്കുന്ന ദേവീഭാഗവത നവാഹ യജ്ഞത്തിന്റേയും ബ്രോഷര്‍ ദേവസ്വം ഓഫിസര്‍ ഇ.എസ് ദിനേശന്‍ പ്രകാശനം ചെയ്തു. ഐശ്വര്യ സുരേഷില്‍ നിന്ന് ആദ്യ പ്രതി സ്വീകരിച്ചായിരുന്നു പ്രകാശനം. ചടങ്ങില്‍ ക്ഷേത്ര സമിതി പ്രസിഡന്റ് ടി.പി പ്രഭാകര മേനോന്‍ അധ്യക്ഷനായി. സെക്രട്ടറി തുളസി കണ്ണന്‍, ജനറല്‍ കണ്‍വീനര്‍ ശശികുമാര്‍ കൊടയ്ക്കാടത്ത്, ട്രഷറര്‍ പി.ആര്‍ സുരേഷ് കുമാര്‍, കെ.വിജയന്‍ മേനോന്‍, ബാബു പൂക്കുന്നത്ത്, ശശി ഇരുമ്പശ്ശേരി, കെ.ബാലകൃഷ്ണന്‍ സംസാരിച്ചു. ക്ഷേത്ര നടപ്പുരയുടെ ഉദ്ഘാടനം ഓഗസ്റ്റ് അഞ്ചിന് വൈകിട്ട് നാലിന് മന്ത്രി വി.എസ് സുനില്‍കുമാര്‍ നിര്‍വഹിക്കും.