നരിക്കുനി: 974 ല്‍ സ്ഥാപിക്കപ്പെട്ട നരിക്കുനി ഹയര്‍ സെക്കന്‍ഡറി സ്‌കൂള്‍ വികസനക്കുതിപ്പിനൊരുങ്ങുന്നു. സംസ്ഥാന ബജറ്റില്‍ സ്‌കൂളിന്റെ വികസന പ്രവര്‍ത്തനങ്ങള്‍ക്ക് മൂന്ന് കോടി അനുവദിച്ചിരുന്നു.
ഇത് സ്‌കൂളിന്റ നിലവാരം ഉയര്‍ത്തുമെന്നാണ് രക്ഷിതാക്കളും വിദ്യാര്‍ഥികളും കരുതുന്നത്. താമരശ്ശേരി വിദ്യാഭ്യാസ ജില്ലയില്‍ ഉള്‍പ്പെടുന്ന ഈ സര്‍ക്കാര്‍ വിദ്യാലയത്തില്‍ ഹൈസ്‌കൂള്‍ വിഭാഗത്തില്‍ മാത്രമായി 1089 വിദ്യാര്‍ഥികള്‍ പഠിക്കുന്നുണ്ട്.
36 അധ്യാപകര്‍ ജോലിചെയ്യുന്ന ഈ സ്‌കൂള്‍ കഴിഞ്ഞ അഞ്ച് വര്‍ഷം അക്കാദമിക് രംഗത്ത് വന്‍മുന്നേറ്റമാണ് നടത്തിയത്. 2011-12 അധ്യയന അധ്യയന വര്‍ഷം മുതല്‍ എസ്.എസ്.എല്‍.സി പരീക്ഷയില്‍ യഥാക്രമം ഓരോ വര്‍ഷവും 95,96,98,99.57,98 ശതമാനം വിജയം നേടാന്‍ സ്‌കൂളിനായിട്ടുണ്ട്. സ്‌കൂള്‍ വികസന പദ്ധതിക്കായി മാസ്റ്റര്‍പ്ലാന്‍ തയാറായി വരുന്നതായും അടിസ്ഥാന സൗകര്യങ്ങള്‍ മെച്ചപ്പെടുത്തുന്ന രീതിയില്‍ ഫണ്ടണ്ട് വിനിയോഗിക്കാനാണ് ഉദ്ദേശിക്കുന്നതെന്ന് അധികൃതര്‍ അറിയിച്ചു.