കിണാശേരി: നായിക്കരുമ്പില്‍ വാഴയില്‍ കുടുംബം സൗജന്യമായി നല്‍കിയ പാലത്തുംകണ്ടി പ്രദേശത്ത് കോഴിക്കോട് പഞ്ചായത്ത് ജനകീയാസൂത്രണ പദ്ധതിയില്‍ നിര്‍മിച്ച നായിക്കരുമ്പില്‍ വാഴയില്‍ മാമുക്കോയട്ടി ഹാജി സ്മാരക പാലത്തുംകണ്ടി അങ്കണവാടി കെട്ടിടം കോഴിക്കോട് ബ്ലോക്ക് പഞ്ചായത്ത് പ്രസിഡന്റ് എന്‍. മനോജ്കുമാര്‍ ഉദ്ഘാടനം ചെയ്തു.
ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍  പി. റംല അധ്യക്ഷയായി. അസി. എക്‌സിക്യുട്ടിവ് എന്‍ജിനീയര്‍ എ. സന്തോഷ്‌കുമാര്‍ റിപ്പോര്‍ട്ട് അവതരിപ്പിച്ചു. അങ്കണവാടികളിലേക്കുള്ള ബെഡ് വിതരണം ഒളവണ്ണ പഞ്ചായത്ത് പ്രസിഡന്റ് കെ. തങ്കമണി നിര്‍വഹിച്ചു. ബ്ലോക്ക് പഞ്ചായത്ത്  വൈസ് പ്രസിഡന്റ് എ.പി ഹസീന, വികസന സ്റ്റാന്‍ഡിങ് കമ്മിറ്റി ചെയര്‍മാന്‍ പി.ജി വിനീഷ്, ആരോഗ്യ സ്റ്റാന്‍ഡിങ് കമ്മിറ്റി ചെയര്‍മാന്‍ ദിനേശ് ബാബു, ബ്ലോക്ക് പഞ്ചായത്ത് മെമ്പര്‍ സതീദേവി, ബി.ഡി.ഒ കൃഷ്ണകുമാരി, സി.പി.ഡി.ഒ ലക്ഷ്മി രാമന്‍, നൂര്‍ജഹാന്‍, നായിക്കരുമ്പില്‍ വാഴയില്‍ കുടുംബസമിതി പ്രസിഡന്റ് എന്‍.വി അബ്ദുസ്സമദ്, പ്രവര്‍ത്തകസമിതി അംഗം എന്‍.വി അബ്ദുല്‍ജബ്ബാര്‍, സംഘാടകസമിതി ചെയര്‍മാന്‍ സെയ്തൂട്ടി ഹാജി, കണ്‍വീനര്‍ വെള്ളരിക്കല്‍ മുസ്തഫ, രാഷ്ട്രീയ പാര്‍ട്ടി പ്രതിനിധികളായ സുരേഷ് ബാബു, ടി.പി മുനീര്‍, ഭാസ്‌കരന്‍, പവിത്രന്‍, എം. ഉസ്മാന്‍, മൊയ്തീന്‍കോയ, സംസാരിച്ചു. ഷെര്‍ളി നന്ദിപറഞ്ഞു.