കോഴിക്കോട്: സിനിമാ രംഗത്തും റിയാലിറ്റി ഷോയിലും സാന്നിധ്യമറിയിച്ച് താരപരിവേഷത്തോടെയെത്തിയ സാധികക്ക് കഥകളി സംഗീതത്തില്‍ ഒന്നാ സ്ഥാനം. ഫാറൂഖ് കോളജില്‍ കെമിസ്ട്രിയിലെ ഒന്നാം വര്‍ഷം ബിരുദാനന്തര ബിരുദ വിദ്യാര്‍ഥിയായ സാധിക രാമനാട്ടുകര സ്വദേശിയാണ്.
മഞ്ച് സ്റ്റാര്‍ സിംഗര്‍ ജൂനിയര്‍ റിയാലിറ്റി ഷോ റണ്ണറപ്പായി പ്രേക്ഷകരുടെ ശ്രദ്ധയാകര്‍ഷിച്ച കുഞ്ഞു സാധിക പിന്നീട് കലോത്സവ വേദികളിലും താരമായി മാറുകയായിരുന്നു. സ്‌കൂള്‍ കലോത്സവങ്ങളിലും ബി. സോണ്‍ മത്സരങ്ങളിലും മികച്ച പ്രകടനം കാഴ്ചവച്ച ഈ കലാകാരി 'കട്ടൈസുഴി' എന്ന തമിഴ് സിനിമയില്‍ ഗാനമാലപിച്ചിട്ടുണ്ട്. കെ. രാജുവിന്റെയും പ്രഭയുടെയും മകളാണ്