കോഴിക്കോട്: ''കോലടക്കം തന്നെ ജീവതാളം... ശ്രുതി കോലടിച്ച് ചേര്‍ത്താല്‍ നല്ലതാളം...'' കോല്‍ക്കളിയുടെ ചരിത്രം പറയുന്ന പാട്ടിനൊപ്പം കോലൊപ്പിച്ച് കളിച്ചാണ് കോട്ടക്കല്‍ ഫാറൂഖ് ആര്‍ട്‌സ് ആന്‍ഡ് സയന്‍സ് കോളജ് കോല്‍ക്കളിയില്‍ ജേതാക്കളായത്. പതിവില്‍ നിന്ന് വ്യത്യസ്തമായി മദ്ഹ് ഗാനങ്ങളെ മാറ്റി നിര്‍ത്തിയാണ് ഷംസാദ് എടരിക്കോട് ചിട്ടപ്പെടുത്തിയ ചരിത്രം കൂട്ടിച്ചേര്‍ത്ത പാട്ട് ഇവര്‍ തിരഞ്ഞെടുത്തത്. മഹ്‌റൂഫ് എടരിക്കോടിന്റെ ശിക്ഷണത്തിലാണ് പരിശീലിച്ചത്. സുഭാഷിറിന്റെ നേതൃത്വത്തിലുള്ള നിഷാദ്, റാസിഖ്, സാദാത്ത്, മിന്‍ഫര്‍, മെഹ്‌റൂഫ്, ഫായിസ്, ഫാരിസ്, നിസാമുദ്ദീന്‍, മുഹമ്മദ്, ബാസിത്, ഷാന്‍ ജുനൈദ്, ശഫീഖ് എന്നിവരാണ് ടീമംഗങ്ങള്‍.
മികച്ച പ്രകടനം കാഴ്ചവച്ച വടകര ചെരണ്ടത്തൂര്‍ എം.എച്ച്.ഇ.എസ് കോളജ് ഇവരുമായി ഒന്നാം സ്ഥാനം പങ്കിട്ടു. അഫ മുഹമ്മദ്, ഫായിസ് ഫാറൂഖ്, മുഹമ്മദ് ഫാസില്‍, മുഹമ്മദ് നബീല്‍, മുഹമ്മദ് അഫ്‌സല്‍, മുഹമ്മദ് ഫവാസ്, മുഹമ്മദ് യാസിര്‍, മുഹമ്മദ് റബിന്‍, മന്‍സൂര്‍, ഹര്‍ഷാദ്, മുഹമ്മദ് അജ്മല്‍, ടി.വി ഇബ്രാഹിം എന്നിവരാണ് ടീമംഗങ്ങള്‍.