കോട്ടയം: അങ്കണവാടിയിലെ പ്രവേശനോത്സവം കഴിഞ്ഞ് വീട്ടിലെത്തിയ ഭിന്നശേഷിക്കാരനായ അഞ്ചു വയസ്സുകാരന്‍ ബക്കറ്റിലെ വെള്ളത്തില്‍ വീണു മരിച്ചു. കോട്ടയം കടപ്ലാമറ്റം കൂടല്ലൂര്‍ സ്വദേശിയായ അഭിദേവാണ് മരിച്ചത്. സംസാരിക്കാന്‍ ബുദ്ധിമുട്ട് അനുഭവപ്പെടുന്ന അഭിദേവ് വെള്ളത്തിലില്‍ വീണത് വീട്ടുകാര്‍ അറിഞ്ഞില്ല. കുട്ടിയെ കാണാതായതോടെ നടത്തിയ തിരച്ചിലിനൊടുവിലാണ് ബക്കറ്റിലെ വെള്ളത്തില്‍ കണ്ടെത്തിയത്. ഉടനെ ആശുപത്രിയില്‍ എത്തിച്ചെങ്കിലും രക്ഷിക്കാന്‍ കഴിഞ്ഞില്ല.