ബംഗളൂരു: ലോക്‌സഭാ തെരഞ്ഞെടുപ്പ് ഫലത്തിന് നേര്‍വിപരീത ഫലവുമായി കര്‍ണാടകയിലെ അര്‍ബന്‍ ലോക്കല്‍ ബോഡി (യു.എല്‍.ബി) തെരഞ്ഞെടുപ്പ്. ബി.ജെ.പിയെ കെട്ടുകെട്ടിക്കുന്ന രീതിയിലുള്ള മുന്നേറ്റമാണ് കോണ്‍ഗ്രസ്- ജെ.ഡി.എസ് സഖ്യം നേടിയത്.

509 വാര്‍ഡുകളില്‍ കോണ്‍ഗ്രസും 174 വാര്‍ഡുകളില്‍ ജെ.ഡി.എസും വിജയിച്ചപ്പോള്‍ ബി.ജെ.പിക്ക് 366 വാര്‍ഡുകള്‍ മാത്രമാണ് നേടാനായത്.

63 യു.എല്‍.ബികളിലേക്കാണ് തെരഞ്ഞെടുപ്പ് നടന്നത്. ലോക്‌സഭാ തെരഞ്ഞെടുപ്പ് ഫലം പുറത്തുവന്ന് ആറാം ദിനത്തിലാണ് ഇപ്പോള്‍ കോണ്‍ഗ്രസ് അട്ടിമറി നേടിയ ഫലം പുറത്തുവരുന്നത്.

ലോക്‌സഭാ തെരഞ്ഞെടുപ്പില്‍ 28 സീറ്റില്‍ 25 ഇടത്തും ബി.ജെ.പി വിജയിച്ചിരുന്നു.