കല്‍പ്പറ്റ: സംസ്ഥാന വ്യവസായ വകുപ്പിന്റെ മികച്ച തൊഴില്‍സംരംഭകനുള്ള ജനറല്‍ അവാര്‍ഡ് സലാം ക്ലിന്റിന്. സൂക്ഷ്മ ചെറുകിട ഇടത്തരം വ്യവസായ രംഗത്ത് മികച്ച പ്രകടനം കാഴ്ചവെച്ചതിനാണ് അവാര്‍ഡിന് അര്‍ഹനാക്കിയത്. 23വര്‍ഷമായി വീഡിയോ, ഫോട്ടോഗ്രാഫി രംഗത്തുള്ള സലാം ഇതിനകം നിരവധിപേര്‍ക്ക് ഈ മേഖലകളില്‍ പരിശീലനം നല്‍കി ജീവിതോപാധി കണ്ടെത്താന്‍ സഹായിച്ചിട്ടുണ്ട്. വിദേശത്തും നാട്ടിലുമായി നിരവധി സ്ഥാപനങ്ങളും പരിശീലനം നേടിയവര്‍ സ്ഥാപിച്ചിട്ടുണ്ട്. സ്വയം തൊഴില്‍ മേഖലയില്‍ ചെറുപ്പക്കാര്‍ക്ക് വഴി തെളിയിക്കാന്‍ സാധിച്ചതായും അവാര്‍ഡ് കമ്മിറ്റി കണ്ടെത്തിയതിനെ തുടര്‍ന്നാണ് അംഗീകാരം. തിരുവനന്തപുരത്ത് നടന്ന ചടങ്ങില്‍ വ്യവസായ മന്ത്രി ഇ.പി ജയരാജന്‍ അവാര്‍ഡ് വിതരണം ചെയ്തു.