കല്‍പ്പറ്റ: മുട്ടില്‍ പഞ്ചായത്ത് നിര്‍മിച്ച് ബസ്‌ബേയില്‍ ബസ് കയറിയിറങ്ങുന്നതിന്റെ ഉദ്ഘാടനം ഇന്ന് നടക്കുമെന്ന് പഞ്ചായത്ത് പ്രസിഡന്റ് എന്‍.എ നജീം വാര്‍ത്താസമ്മേളനത്തില്‍ അറിയിച്ചു. രാവിലെ ഒന്‍പതിന് സി.കെ ശശീന്ദ്രന്‍ എം.എല്‍.എ ഉദ്ഘാടനം നിര്‍വഹിക്കും.
മുട്ടില്‍ ടൗണിന്റെ ഗതാഗത കുരുക്ക് പരിഹരിക്കുന്നതിന് 2005-2010കാലത്തെ എന്‍.വി ജോര്‍ജിന്റെ നേതൃത്വത്തിലുള്ള ഭരണസമിതിയാണ് പദ്ധതിക്ക് രൂപം നല്‍കിയത്. തുടര്‍ന്ന് വന്ന അനിത ഗോവിന്ദന്റെ നേതൃത്വത്തിലുള്ള ഭരണസമിതിയുടെ കാലത്ത് ഷോപ്പിങ് കോംപ്ലക്‌സ് പൂര്‍ത്തിയാക്കി. ബസ്റ്റാന്‍ഡ് ഉദ്ഘാടനവും ഐക്യകണ്‌ഠേനയാണ് ഭരണസമിതി തീരുമാനിച്ചത്.
ഉദ്ഘാടനവുമായി ബന്ധപ്പെട്ടുള്ള ആരോപണങ്ങള്‍ തീര്‍ത്തും അടിസ്ഥാന രഹിതമാണ്. വാര്‍ത്താസമ്മേളനത്തില്‍ വൈസ് പ്രസിഡന്റ് ഷീജ സെബാസ്റ്റിയന്‍, പി ഭരതന്‍, അമ്മാത്ത് കൃഷ്ണകുമാര്‍, ഹസീന എന്നിവരും പങ്കെടുത്തു.