കിളിമാനൂര്‍: കിളിമാനൂര്‍ പഞ്ചായത്തിലെ മഴക്കാല പൂര്‍വ്വ ശുചീകരണ പ്രവര്‍ത്തനങ്ങളുടെ ഉദ്ഘാടനം മുളയ്ക്കലത്തുകാവ് പ്രാഥമികാരോഗ്യ കേന്ദ്രത്തില്‍ പഞ്ചായത്ത് പ്രസിഡന്റ് എസ്.
രാജലക്ഷ്മി അമ്മാള്‍ നിര്‍വ്വഹിച്ചു. പഞ്ചായത്ത് വൈസ് പ്രസിഡന്റ് എ ദേവദാസ് അധ്യക്ഷനായി. പ്രദേശത്ത് മുഴുവന്‍ വീടുകളും സന്ദര്‍ശിച്ച് ആരോഗ്യപ്രവര്‍ത്തകരും സന്നദ്ധപ്രവര്‍ത്തകരും ഉറവിട മാലിന്യസംസ്‌കരണം പദ്ധതിയുടെ ഭാഗമായി നടത്തുവാനും, തോട്ടം മേഖല കേന്ദ്രീകരിച്ച് കണ്ടെയ്‌നര്‍ നശിപ്പിക്കല്‍, ജലശുദ്ധീകരണം, ലഘുലേഖ വിതരണം, ബോധവത്കരണം എന്നിവ നടത്താനും യോഗത്തില്‍ തീരുമാനമായി.
എസ്.എസ് സിനി, എസ്. ലിസി, എം. വേണുഗോപാല്‍, കെ. രവി, ബീനാവേണുഗോപാല്‍, എസ.് അനിത,കെ.എസ് ലില്ലിക്കുട്ടി, ഡോ.സുധീര്‍ ജേക്കബ്ബ്, ഡോ. ശിവകുമാര്‍, ഡോ. ഷൈലജ, ബാബുനന്ദകുമാര്‍, ആരോഗ്യപ്രവര്‍ത്തകരായ നോബിള്‍രാജ്, അജിത്, അമ്പിളിഅമ്മ, ഡി. ആര്‍ ഗീത തുടങ്ങിയവര്‍ സംസാരിച്ചു.