മലപ്പുറം: രണ്ടു ദിവസമായി നടക്കുന്ന കേരള സ്‌കൂള്‍ ടീച്ചേഴ്‌സ് യൂനിയന്‍ ജില്ലാ നേതൃക്യാംപിന് പുലാമന്തോള്‍ എമറാള്‍ഡ് റസിഡന്‍സിയില്‍ തുടക്കമായി.
 ജില്ലയിലെ 17  ഉപജില്ലകള്‍, 4 വിദ്യാഭ്യാസ ജില്ലകളില്‍ നിന്ന് തെരഞ്ഞെടുക്കപ്പെട്ടവരാണ് ക്യാംപ് അംഗങ്ങള്‍. വിവിധ തീമുകളില്‍ കെ.അമീര്‍ബാബു, എ.കെ.സൈനുദ്ദീന്‍ ക്ലാസ് നയിച്ചു. പ്രസിഡന്റ് കെ.എം അബ്ദുല്ല അധ്യക്ഷനായി. ഹമീദ് കൊമ്പത്ത്, ജനറല്‍ സെക്രട്ടറി മജീദ് കാടേങ്ങല്‍, ട്രഷറര്‍ കെ.ടി.അമാനുല്ല, പി.കെ. ഹംസ, അബ്ദുള്ള വാവൂര്‍, എം.അഹമ്മദ്, പി.കെ.എം.ശഹീദ്, വി.എ ഗഫൂര്‍, പി.വി.ഹുസ്സൈന്‍, മുജീബ് കൈപ്പള്ളി, എന്‍.പി.മുഹമ്മദലി, ടി.എം.ജലീല്‍ എന്നിവര്‍ സംസാരിച്ചു.
ഇന്ന് രാവിലെ 6.30 ന് ഡോ. സത്യനാഥന്‍, ബാബു വര്‍ഗീസ്, അഡ്വ.കൊരമ്പയില്‍  നജ്മല്‍ ബാബു എന്നിവര്‍ വിവിധ സെഷനുകളില്‍ ക്ലാസ് നയിക്കും. ഫോക്കസ് ഗ്രൂപ്പ് ചര്‍ച്ചകള്‍, ക്രോഡീകരണം, പ്രവര്‍ത്തന കലണ്ടര്‍ അവതരണം എന്നിവയും നടക്കും. വൈകിട്ട് നാലിന് സമാപിക്കും.