മലപ്പുറം: എസ്.കെ.എസ്.എസ്.എഫ് ജില്ലാ ഹയര്‍സെക്കന്‍ഡറി കൊളോക്കിയം ഇന്നു രാവിലെ 9.30 മുതല്‍ വൈകിട്ട് നാലുവരെ മലപ്പുറം സുന്നീ മഹലില്‍ നടക്കും. സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും.
ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ കണ്ണന്തളി അധ്യക്ഷനാകും. വിവിധ സെഷനുകളിലായി സംസ്ഥാന ജനറല്‍ സെക്രട്ടറി സത്താര്‍ പന്തല്ലൂര്‍, ഹസ്സന്‍ സഖാഫി പൂക്കോട്ടൂര്‍, ആനമങ്ങാട് മുഹമ്മദ് കുട്ടി ഫൈസി, ആസിഫ് ദാരിമി പുളിക്കല്‍, ആശിഖ് കുഴിപ്പുറം ക്ലാസെടുക്കും.