സിദ്ധാപുരം: മാല്‍ദ്ദാരിക്കടുത്തു ദിഡ്ഡള്ളി ആശ്രമസ്‌കൂളിനു സമീപം സ്ഥാപിച്ച നാല് സി.സി.ടി.വി കാമറ മോഷണം പോയി. ദിഡ്ഡള്ളിയില്‍ ആദിവാസി കുടില്‍ കഴിഞ്ഞ ഡിസംബര്‍ 28ന് ജില്ലാ ഭരണ കൂടം പൊളിച്ചു നീക്കിയപ്പൊള്‍ സംസ്ഥാനത്തിന്റ വിവിധ ഭാഗങ്ങളില്‍ നിന്നു ആളുകള്‍ സമരങ്ങളുമായി എത്തിയിരുന്നു.
ഇതില്‍ നക്‌സലുകളും ദിഡ്ഡള്ളിയിലേക്ക് പ്രവേശിച്ചുണ്ടെന്ന പ്രചരണത്തെ തുടര്‍ന്നാണ് കാമറകള്‍ സ്ഥാപിച്ചത്.
കഴിഞ്ഞ ദിവസം ആദിവാസി കുടുംബങ്ങളെ കുശാല്‍ നഗറിലെ ഭ്യാഡഗൊട്ടയിലേക്ക് മാറ്റി പാര്‍പ്പിച്ചതിനെ തുടര്‍ന്ന് കാമറ അഴിച്ചു മാറ്റാന്‍ വേണ്ടി ഐ.ടി.ഡി.പി ഉദ്യോഗസ്ഥര്‍ ചെന്നപ്പോഴാണ് കാമറ കളവ് പോയ വിവരം അറിയുന്നത്. സംഭവത്തില്‍ രണ്ടു പേരെ പൊലിസ് കസ്റ്റഡിയിലെടുത്ത് ചോദ്യം ചെയ്തു വരികയാണ്.