നിലമ്പൂര്‍: നിലമ്പൂര്‍-നഞ്ചന്‍കോഡ് റെയില്‍വേ പാത നടപ്പാക്കണമെന്നാവശ്യപ്പെട്ട് കലാകാരനും ഗിന്നസ് ലോക റെക്കോര്‍ഡ് ജേതാവുമായ തൃശൂര്‍ നസീര്‍ ഇന്ന് നിലമ്പൂരില്‍ 13 മണിക്കൂര്‍ പാട്ടുപാടി പ്രതിഷേധിക്കും.
പ്രതിഷേധം തുടരുമെന്നും നടപടികള്‍ക്കായി ഹൈക്കോടതിയുടെ മുന്‍പിലും തുടര്‍ന്ന് സമരം നടത്തുമെന്നും നസീര്‍ പറഞ്ഞു. നേരത്തെ ഡല്‍ഹിയില്‍ 40 മണിക്കൂര്‍ മിമിക്രി നടത്തിയും, മുംബൈയില്‍ 101 മണിക്കൂര്‍ മൗത്ത് ഓര്‍ഗണ്‍ ഗാനങ്ങള്‍ വായിച്ചും, തിരുവനന്തപുരത്ത് 113 മണിക്കൂര്‍ പാട്ടുപാടിയും ഗിന്നസ് ബുക്കില്‍ സ്ഥാനം നേടിയിട്ടുണ്ട്.
ഇന്ന് രാവിലെ ഒന്‍പത് മുതല്‍ രാത്രി പത്തുമണിവരെ നിലമ്പൂര്‍ പീവീസ് ഓഡിറ്റേറിയം പരിസരത്താണ് പ്രതിഷേധം സംഘടിപ്പിക്കുന്നത്. പി.വി അബ്ദുല്‍ വഹാബ് എം.പി ഉദ്ഘാടനം ചെയ്യും.