ന്യൂഡല്‍ഹി: ഇന്ത്യയിലെ വ്യോമ പാതയിലുണ്ടായിരുന്ന നിയന്ത്രണം നീക്കിയതായി വ്യോമസേന അറിയിച്ചു. പ്രധാനമന്ത്രിയുടെ നിര്‍ദേശപ്രകാരമാണ് വ്യോമപാതയിലെ നിയന്ത്രണം നീക്കിയത്.
ഇന്ത്യന്‍ വ്യോമപാതയിലെ എല്ലാ വിമാന റൂട്ടുകളിലും കഴിഞ്ഞ ഫെബ്രുവരിയില്‍ നടപ്പാക്കിയ നിയന്ത്രണം എടുത്തുകളഞ്ഞതായി വ്യോമസേന ട്വീറ്റ് ചെയ്തു.
പുല്‍വാമ ഭീകരാക്രമണത്തെ തുടര്‍ന്ന് വ്യോമസേന ബാലാകോട്ടില്‍ നടത്തിയ മിന്നലാക്രമണത്തിന് പിന്നാലെയാണ് ഇന്ത്യന്‍ വ്യോമപാതയില്‍ നിയന്ത്രണം ഏര്‍പ്പെടുത്തിയത്. അതേസമയം പാകിസ്താന്‍ അവരുടെ വ്യോമപാതയില്‍ നടപ്പാക്കിയ നിയന്ത്രണം ജൂണ്‍ 14 വരെ ദീര്‍ഘിപ്പിച്ചിട്ടുണ്ട്. വ്യോമപാതയിലെ നിയന്ത്രണം കാരണം വിമാന സര്‍വിസുകള്‍ക്ക് വലിയ ചെലവുണ്ടാകുന്നത് പരിഗണിച്ചാണ് നിയന്ത്രണം പിന്‍വലിച്ചത്.