തിരുവനന്തപുരം: ജലന്ധര്‍ ബിഷപ്പുമായി ബന്ധപ്പെട്ട കേസില്‍ കന്യാസ്ത്രീയെ കുറിച്ച് അപകീര്‍ത്തിപരമായ പരാമര്‍ശങ്ങള്‍ നടത്തിയ പി.സി ജോര്‍ജ് എം.എല്‍.എക്കെതിരേ സാധ്യമായ നടപടികളെടുക്കണമെന്ന് ആവശ്യപ്പെട്ട് സംസ്ഥാന വനിതാ കമ്മിഷന്‍ അധ്യക്ഷ എം.സി ജോസഫൈന്‍ നിയമസഭാ സ്പീക്കര്‍ക്ക് കത്ത് നല്‍കി. നിയമസഭാ സാമാജികനായ പി.സി ജോര്‍ജിന്റെ പരാമര്‍ശങ്ങളില്‍ വനിതാ കമ്മിഷന്‍ ശക്തമായ അസംതൃപ്തി രേഖപ്പെടുത്തുന്നതായും സ്പീക്കര്‍ക്ക് നല്‍കിയ കത്തിലുണ്ട്.