കോഴിക്കോട്: ഓമശ്ശേരി ഗ്രാമപഞ്ചായത്ത് ആറാം വാര്‍ഡായ ഓമശ്ശേരി ഈസ്റ്റിലെ ഉപതെരഞ്ഞെടുപ്പ് ജൂലൈ 28 ന് രാവിലെ ഏഴു മുതല്‍ വൈകിട്ട് അഞ്ചു മണി വരെ നടക്കും. ഇതോടനുബന്ധിച്ച് ജൂലൈ 26 ന് വൈകിട്ട് അഞ്ചു മണി മുതല്‍ വോട്ടെണ്ണല്‍ ദിവസമായ ജൂലൈ 29 വരെ വാര്‍ഡില്‍ സമ്പൂര്‍ണ്ണ മദ്യനിരോധനം ഏര്‍പ്പെടുത്തുമെന്ന് ജില്ലാ തെരഞ്ഞെടുപ്പ് ഓഫിസര്‍ കൂടിയായ ജില്ലാ കലക്ടര്‍ അറിയിച്ചു. ഈ വാര്‍ഡില്‍ ഹോട്ടലുകള്‍ ഉള്‍പ്പെടെ എല്ലാ മദ്യവില്‍പന ശാലകളും മദ്യവില്‍പന നിര്‍ത്തിവെക്കണം.