പുത്തൂര്‍ (കര്‍ണാടക): ഇതരമതസ്ഥരെ അവഹേളിച്ച് മതസ്പര്‍ധ വളര്‍ത്തുന്ന തരത്തില്‍ പ്രസംഗിച്ചതിന് ബജ്‌റങ്ദള്‍- ഹിന്ദു ഐക്യവേദി നേതാക്കള്‍ക്കെതിരേ പൊലിസ് കേസെടുത്തു.
ഹിന്ദു ഐക്യവേദി നേതാവ് പുഷ്പരാജ് ഭട്ട്, ബജ്‌റങ്ദള്‍ നേതാവ് സുരേഷ് കോട്ടാരി, ചേതന്‍ പിഡമലെ, ഭാസ്‌കര്‍ ടെയ്‌ലര്‍ ഷെട്ടിഗാര്‍, വരദരാജ് കോട്ടാരി, കൃഷ്ണപ്പ സാല്യാന്‍, രമേഷ് പൂജാരി എന്നിവര്‍ക്കെതിരേയാണ് കേസെടുത്തത്. കടമ്പുവില്‍ വിശ്വഹിന്ദു പരിഷത്തും ബജ്‌റങ്ദളും ചേര്‍ന്നു സംഘടിപ്പിച്ച ശ്രീകൃഷ്ണ ജയന്തി ആഘോഷച്ചടങ്ങിലാണ് പ്രകോപനപരമായ രീതിയില്‍ പ്രസംഗിച്ചത്. കടമ്പു ജുമാമസ്ജിദ് അംഗങ്ങളാണ് സംഭവത്തില്‍ പരാതി നല്‍കിയത്.