മനാമ: കൊവിഡ് സാഹചര്യത്തില്‍ നാട്ടിൽ കുടുങ്ങിയ ബഹ്റൈൻ പ്രവാസികൾക്ക് തിരികെ എത്താനായി എയർ ബബിള്‍ കരാറനുസരിച്ച് ഒരുക്കിയ വിമാനങ്ങളിൽ ഉയർന്ന ടിക്കറ്റ് നിരക്ക് ഈടാക്കുന്നതിനെതിരെ ഇന്ത്യന്‍ അംബാസഡര്‍ക്കും എംപിമാര്‍ക്കും ഇ-മെയില്‍ പരാതികളുമായി ബഹ്റൈൻ ഐ വൈ സി സി രംഗത്ത്.
സംഘടന പുറത്തിറക്കിയ വാര്‍ത്താകുറിപ്പിലാണ് ഇക്കാര്യം അറിയിചത്.
നിലവില്‍ അൻപതിനായിരം രൂപ മുതൽ ഒരു ലക്ഷം രൂപ വരെ ടിക്കറ്റ് നിരക്ക് കൊടുക്കേണ്ട അവസ്ഥയാണ് ഉളളത്, കൊവിഡ് ഭീതി മൂലം നാട്ടിൽ പോയവരും ലീവിനു പോയവരും വിമാനം കിട്ടാതെ കുടുങ്ങി പോയവരും അടക്കം നൂറുകണക്കിന് ആളുകൾ വിസ തീരാറായും ലീവ് തീർന്നും എങ്ങനെ എങ്കിലും മടങ്ങി വരാൻ ആഗ്രഹിച്ച് നിൽക്കുന്ന സാഹചര്യം ആണ്‌ ഉളളത്, ഏയർ ബബിള്‍ കരാർ വന്നാൽ വലിയൊരു ആശ്വാസം ആകുമെന്നായിരുന്ന് കരുതിയത്, എന്നാല് ഇടിവെട്ടിയവന്റെ തലയിൽ പാമ്പ് കടിയേറ്റ അവസ്ഥയിൽ ആണ് നാട്ടിൽ നിൽക്കുന്ന ബഹ്റൈൻ പ്രവാസികൾ ഉളളത്, യുഎഇ അടക്കമുള്ള മറ്റ് ഗൾഫ് രാജ്യങ്ങളിലേക്ക് പോകുവാൻ സാധാരണ നിരക്കും ബഹ്റൈനിലെ ക്ക് ഉയർന്ന നിരക്കും എന്നത് നീതീകരിക്കാൻ ആകില്ല,ഇത് സംബന്ധിച്ച ഇടപെടൽ നടത്തണമെന്ന് ആവശ്യപ്പെട്ട്
ഇന്ത്യൻ അംബാസഡർക്ക് കൂട്ടമായി മെയിൽ അയക്കുക,
എംപി മാർ അടക്കമുള്ള ജനപ്രതിനിധികൾക്കും കേന്ദ്ര മന്ത്രിമാർക്കും മെയിൽ അയക്കുവാനും ഫോണിലൂടെ ബന്ധപ്പെട്ട് ആവശ്യം ഉന്നയിക്കു വാനും തീരുമാനിച്ചിട്ടുണ്ട്, ഇതോടനുബന്ധിച്ച് സോഷ്യൽ മീഡിയ കാമ്പയി നും നടത്തുവാൻ സംഘടന തീരുമാനിച്ചിട്ടുണ്ട് എന്ന് പ്രസിഡൻറ് അനസ് റഹിം, സെക്രട്ടറി എബിയോൺ അഗസ്റ്റിൻ, ട്രഷറർ നിതീഷ് ചന്ദ്രൻ എന്നിവർ അറിയിച്ചു