തിരുവനന്തപുരം: വര്‍ഗീയ ധ്രൂവീകരണം നടത്തിയും പണം ഒഴുക്കിയും കോണ്‍ഗ്രസിന്റെ പാര്‍ലമെന്റ് മണ്ഡലങ്ങള്‍ പിടിച്ചെടുക്കാനാണ് ബി.ജെ.പി ശ്രമിക്കുന്നതെങ്കില്‍ കലക്കവെള്ളത്തില്‍ മീന്‍പിടിക്കാനാണ് സി.പി.എം ശ്രമിക്കുന്നതെന്ന് കെ.പി.സി.സി ജനറല്‍ സെക്രട്ടറി തമ്പാനൂര്‍ രവി.
ലോക്‌സഭാ തെരഞ്ഞെടുപ്പ് മുന്നൊരുക്കങ്ങള്‍ ചര്‍ച്ച ചെയ്യുന്നതിനും ഈ മാസം 27നു നടക്കുന്ന കണ്‍വന്‍ഷന്‍ വിജയിപ്പിക്കുന്നതിനും തിരുവനന്തപുരം പാര്‍ലമെന്റിലെ യു.ഡി.എഫ് നിയോജക മണ്ഡലം ചെയര്‍മാന്‍മാരുടേയും കണ്‍വീനര്‍മാരുടേയും നേതാക്കളുടേയും കെ.പി.സി.സി ഓഫിസില്‍ ചേര്‍ന്ന യോഗം ഉദ്ഘാടനം ചെയ്തു സംസാരിക്കുക ആയിരുന്നു അദ്ദേഹം.
യു.ഡി.എഫ് ജില്ലാ ചെയര്‍മാന്‍ സോളമന്‍ അലക്‌സ് അധ്യക്ഷനായി. കണ്‍വീനര്‍ ബീമാപള്ളി റഷീദ് സ്വാഗതം പറഞ്ഞു.