കട്ടപ്പന: മദ്യപിച്ച് വാഹനമോടിച്ച ചങ്ങനാശേരി കെ.എസ്.ആര്‍.ടി.സി ഡിപ്പോയിലെ ഡ്രൈവര്‍ മണിമല മടുക്കായില്‍ എം.എ രാജുവിനെ (44) പൊലിസ് പിടികൂടി. ഐ.ടി.ഐ ജങ്ഷന് സമീപം ഇന്നലെ രാവിലെ 10 ഓടെ ട്രാഫിക് പൊലിസ് നടത്തിയ പരിശോധനയിലാണ് ഡ്രൈവര്‍ മദ്യപിച്ചതായി കണ്ടെത്തിയത്. കഴിഞ്ഞ ദിവസം നഗരത്തില്‍ കാറുമായി കൂട്ടിയിടിച്ച കെ.എസ്.ആര്‍.ടി.സി ബസിന്റെ ഡ്രൈവറും മദ്യപിച്ചിരുന്നതായി കണ്ടെത്തിയിരുന്നു. ഇതേതുടര്‍ന്ന് രണ്ടുദിവസമായി നടത്തിയ പരിശോധനയിലാണ് ഒരാള്‍ കൂടി പിടിയിലായത്. ഡ്രൈവര്‍ കോട്ടയം മൂന്നിലവ് പറമ്പേട്ട് സന്തോഷിനെയാണ് (49) കഴിഞ്ഞ ദിവസം പൊലിസ് പിടികൂടിയത്. ണ്ടുപേര്‍ക്കുമെതിരേ വകുപ്പ്തല നടപടിക്ക് ശുപാര്‍ശ ചെയ്യാനും ലൈസന്‍സ്‌റദ്ദാക്കുന്നത് അടക്കമുള്ള നടപടികള്‍ സ്വീകരിക്കാനുമാണ് പൊലിസിന്റെ തീരുമാനം.