തൊടുപുഴ: എസ്.വൈ.എസ് സംസ്ഥാന കമ്മറ്റി നടത്തുന്ന കാംപയിനിന്റെ ഭാഗമായി സുന്നി ആദര്‍ശ സമ്മേളനം ഇന്ന് തൊടുപുഴ അര്‍ബന്‍ ബാങ്ക് ഓഡിറ്റോറിയത്തില്‍ നടക്കും.
ഉച്ചകഴിഞ്ഞ് 2 ന് എസ്.വൈ.എസ് ജില്ലാ പ്രസിഡന്റ് അബ്ദുല്‍ കബീര്‍ റഷാദി അധ്യക്ഷനാകുന്ന സമ്മേളനം ജംഇയ്യത്തുല്‍ ഖുത്വുബ ജില്ലാ പ്രസിഡന്റ് സ്വാലിഹ് അന്‍വരി ഉദ്ഘാടനം ചെയ്യും.
'സലഫിസം വിചാരണ ചെയ്യപ്പെടുമ്പോള്‍' എന്ന പ്രമേയത്തില്‍ എസ്.കെ.എസ്.എസ്.എഫ് ഇസ്തിഖാമ സംസ്ഥാന കണ്‍വീനര്‍ എം.ടി അബൂബക്കര്‍ ദാരിമി മുഖ്യപ്രഭാഷണം നടത്തും. കെ.ഇ.മുഹമ്മദ് മുസ്‌ലിയാര്‍, അബ്ദുല്‍ ജലീല്‍ ഫൈസി, എ.എച്ച് ഷാജഹാന്‍ മൗലവി, ഹനീഫ് കാശിഫി, ഹാഷിം ബാഖവി, പി.ഇ. മുഹമ്മദ് ഫൈസി, ഇസ്മായില്‍ മൗലവി പാലമല, അബ്ദുറഹ്മാന്‍ സഅ്ദി, പി.എസ്. സുബൈര്‍, പി.എസ് അബ്ദുല്‍ ജബ്ബാര്‍, കെ.ബി. അസീസ്, കെ.എച്ച്. അബ്ദുല്‍ കരീം മൗലവി, ശിഹാബുദ്ദീന്‍ വാഫി, അലിക്കുഞ്ഞ് വാത്തിശേരി, അഡ്വ സി.കെ. ജാഫര്‍, പി.ഇ. ഹുസൈന്‍, അബ്ദുറഹ്മാന്‍ പുഴക്കര, അബ്ദുല്‍ കരീം ഫൈസി, മുഹമ്മദ് ഷാഫി ഫൈസി, അന്‍ഷാദ് കുറ്റിയാനി, പി.ഇ.അബ്ദുല്‍ അസീസ്, പി.എസ്. മുഹമ്മദ്  പങ്കെടുക്കും.